Dërgesat e gazit natyror rus në BE kanë rënë me 48% deri më tani këtë vit, sipas gjigantit rus të gazit Gazprom.
Rusia është në bisedime për një projekt të madh infrastrukturor për dërgimin e gazit në Kinë nëpërmjet Mongolisë, tha më herët sot Vladimir Putin.
Gazprom ka eksploruar për vite me radhë mundësinë e furnizimit me gaz të Kinës nëpërmjet Mongolisë përmes një tubacioni gazi, Power of Siberia 2.
Tubacioni i propozuar mund të transportojë 50 miliardë metra kub gaz natyror në vit, ka thënë Gazprom, që është pak më pak se gazsjellësi Nord Stream 1 që lidh Rusinë me Gjermaninë nën Detin Baltik.
Në një takim televiziv me kryeministrin e Mongolisë, Luvsannamsrai Oyun-Erdene, Putin tha:
Jemi në diskutime për zbatimin e mundshëm të një projekti të madh infrastrukturor, e kam fjalën për furnizimin me gaz rus të Kinës nëpërmjet Mongolisë.
